NAACP Image Awards dawngtu zingah Beyonce leh Rihanna an tel
Mihang ten hma an sawn theihnana hmalatu pawl NAACP ( National Association for the Advancement of Colored People) chuan 2023 NAACP Image Awards dawngtu thenkhat an puang ta a, kar tluanin award dawngtute hi a tah tawlin an puan belh zel dawn a ni. Award semna hi virtual event a neih a ni a, actor Thomas Khleo-a’n a host a, award hi category hrang hranga mihang chetha te hnenah hlan thin a ni.
Award sem zan khatnaah hian Beyonce a langsar ber a, outstanding female artist, outstanding soul/R&B song leh outstanding album a dawng a, Chris Brown pawhin award pahnih outstanding male artist a dawn bakah outstanding duo, group or collaboration (contemporary) chu Wizkid nen ‘Call Me Every Day’ avangin an dawng bawk. Rihanna pawhin outstanding music video/visual album a dawng.
Award dawngtu langsar dang zingah Silk Sonic-in outstanding duo, group or collaboration (Traditional) an dawng a, Quavo leh Takeoff ten outstanding hip hop/rap song dawngin, Erica Campbell chuan outstanding gospel/Christian song a dawng bawk.
Kumin NAACP Image Awards-ah hian category 80 chuangah award sem a ni dawn a, nomination-ah Beyonce leh Kendrick Lamar an langsar ber a, category pangaah nomination an nei ve ve a ni.
NAACP hian award dawngtu te hi categiry dangah pawh an puan belh zel a, TV-ah tihchhuah a ni rih lo a, Inrinni zanah a tawp kharna, Pasadena Civic Auditorium-ah an nei ang a, hei hi BET-i live-in an tichhuak thung ang.
NAACP Image Awards dawngtu zingah Beyonce leh Rihanna an tel
