akistan Cricket Board (PCB) chief hlui Ramiz Raja teh daih chuan tunhnai khan football khawvela mite ngaihven hlawh zet sawichhuakin, Cristiano Ronaldo ei leh in tur (diet plan) chu khawvela scientist ngaihsan hlawh ber berte awmkhawmna National Aeronautics and Space Administration (NASA)-a an scientist rualte’n an buaipuisak thin tih a sawi!
Pakistan cricketer hluiin Real Madrid star hlui Ronaldo diet plan chungchang a sawi thei mai hian mak tih a hlawh viau a; hemi chungchangah hian Portuguese emaw NASA lamin emaw thuchhuah an siam hmuh tur a la awm mai lo.
Ronaldo hian protein kal natna lam ei tur (high-protein diet) a thupuiber tih hriat a ni a; thau tel tlem sa leh thlai lam a ei thin bakah a chini eiin pawi a khawih tur veng turin processed food an tih ang chi a hmawl tel bawk a; soft drink kan tih ang chu (aerated drink) a ti lo a; zu leh zial lakah a fihlim bawk.
Saudi Pro League season kal mekah kum 38 mi hian Riyadh khaw club AL Nassr tan game 12 atangin goal 13 a thun tling tawh a, assist vawi vawisarih a siamchhak tling tawh bawk.
Vawinga lai Ballon d’Or chawi-mawina dawng tawh Ronaldo hian January 2023 khan rin loh deuhin Arab team a zawm nawlh a, he thu buatsaih lai thleng hian Saudi club tan match 42-ah goal 36 a khungsak tling tawh.
NASA scientist rualin Ronaldo ei leh in tur an buaipui thin!
