Sawrkar laipui Ministry of Education-in National Award to Teachers 2023 dawng tur a puan zingah Govt. Diakkawn High School zirtirtu Lalthiang-hlima chu thlan a ni.
Kuminah National Award to Teachers dawng tur hian mi 50 thlan an ni a, award hian chawimawina thuziak bakah sumfai Rs 50000 leh silver medal a keng. Award hi September 5-ah Vigyan Bhawan New Delhi-ah hlan a ni ang.
School Education minister Lalchhandama Ralte chuan National Award to Teachers dawng tura Pu Lalthianghlima thlan a ni chu chhuanawm a tih thu a sawi a. Zirtirtu thate ram tan an hlu tih sawiin, zirlaite kawng sialtu pawimawh a nih zel theihna’n duhsakna a hlan.
Kum 2018 atang khan National Award to Teachers dawng tur thlan dan hi tihdanglam a ni a. State sawrkarin dawng tlak nia a hriat a rawt bakah anmahni ngeiin endiktute hmaah school-a an hnathawh dan leh thiltih dan presentation hmanga an sawifiah a ngai a, endiktuten zawh duh an neih apiang an zawt thin bawk.
Award thlan dan tihdanghlam hnu hian Mizoram atangin zirtirtu 4-in he chawimawina an dawng tawh a. Kumina dawng tur hma hian kum 2018 khan Govt. Diakkawn H/S, Kolasib headmaster GS Zaithantluanga, kum 2019-ah Govt Keifang H/S zirtirtu Jayanta Nath Maji, kum 2021-ah A&M Grandchild School N.Vanlaiphai zirtirtu Jacinta Vanlalengzami ten an lo dawng tawh a ni.
National award dawng dawn
