Naupang an patil emaw ve ngawt kher lo ti

Patil emaw mawngkawhur nu leh pa neih avang ringawtin naupang chu patil emaw mawngkawhur a ni ang tihna a ni lo tiin Supreme Court chuan a sawi a, hei hi sorkarin same-sex inneihnaa an fate rilru lama a nghawng hlauhthawnna a neih a chhanna a ni.
Chief Justice D.Y. Chandrachud chuan same-sex inneihna legal recognition chungchang chu Constitution Bench ngaihtuah turin a ti a. Mahse, India sorkarin same-sex legal recongnition pekin Indian ‘social ethos’ a nghawng dan tura ngaihdan a neih leh hlauhthawn a neih chungchang chu a sawi lang ve tho thung.
“Parliament-in a enfiah ang a…Parliament chuan nu leh paa mipa pahnih emaw hmeichhe pahnih neih ngawt maiin fa rilru a nghawng theih dan tur an enfiah ang chu. Pa leh nuin an enkawl seilen loh naupang rilru puthmang tur chu eng nge ni ang…Parliament chuan kan social ethos nena thlirin chutiang institution chu pawm chi a ni em tih a ngaihtuah ang chu,” tiin Solicitor General Tushar Mehta, Union of India aiawha ding chuan a sawi a, hemi chungchangah hian court inrawlhna tur chi nia a ngaih loh thu a sawi a.
“Mahse, Solicitor, patil emaw mawngkawhur nupain fa atana an lak chu patil emaw mawngkawhur emaw a ni ve ngei dawn tihna a ni kher lo a nia” tiin Chief Justice Chandrachud chuan a sawi thung a.
Solicitor General chuan, “Heta tanga society inrelbawl dan tur phurrit i phur a nia,” tiin a chhang thung a. Sorkar erawh chuan same sex relationship chungchangah stigma siam an nei lo an ti thung a.
“Heta zawhna pawimawh ber chu he inzawmna atang hian, right to dignity kal zel a ni bawk avangin State-in pawmpuina a pe dawn em tih a ni,” tiin Mehta chuan a sawi a.
Chief Justice Chandrachud chuan he thilah hian constitutional rights of liberty, dignity te, LGBTQ+ community te ang khata en te chu sirkhatah leh sirleh lamah mipa leh hmeichhe pangngai te inneihna chu inkaihhnawih tel vek a ni tiin a sawi a.
Three-judge Bench, Justices P.S. Narasimha leh J.B. Pardiwala te telna chuan Article 145(3) of the Constitution chu behchhana hmangin five-judge Bench ngaihtuah turin an ti a. Article 145(3) chuan zawhna pawimawh leh Constitution kaihhnawih pawimawh bik zual te chu judge panga tal awmnain a ngaihtuah tur a ni, a ti a ni.
He case ngaihtuahna hi April 18 ah public interest a tlin em avangin livestream a ni ang tiin bench chuan a sawi bawk a.
Petitioner te chuan kum 2018-a Navtej Singh Johar case a court judgement-in mawngkawhur dan pawna hnawlna a tihtawpah khan mimalin right to family a neih leh kawppui tur a duh a thlan theihna a dinchan tir a ni tih a ni.
“A sexual orientation emaw gender identity behchhana hmangin miin a duh a hmangaih leh a neih chu khapsak theih a ni lo. Right to marry chu decriminalisation judgement-in a hrin nghal a ni,” tiin senior advocate A.M. Singhvi, petitioner aiawha ding chuan a sawi a.
Senior advocates Neeraj Kishan Kaul, Menaka Guruswamy leh Arundhati Katju, petitioners aiawha ding te bawk chuan ‘right to life zingah chhungkua, kawppui tur duh thlan theihna a tel vek’ an ti bawk.
Kaul chuan apex court chuan privacy chu constitutional right tiin a lo sawi tawh tia sawiin hei vang hian right to privacy same-sex couple te tan chuan ‘mimal duhthlanna pawimawh tak right to marry pawh a huam tel a ni’ a ti bawk a. Same-sex couple te inneih remtihsak loh chuan an kawppui duh an thlan theihna right an neih a bawhchhia a ni, a ti bawk a.
“Right to expression, dignity leh self-respect te chu Article 14 leh 21 of the Constitution-in a humhimsak vek a. State chuan an rights a namnul sak thei lo, heng an rights te zalen taka an hman theih nan hian statutes te chu siam danglam zawk tur a ni,” tiin senior advocate K.V. Vishwanathan chuan a sawi.
Same-sex marriage legal recognition pek chu inheritance, adoption etc atana pawimawh zui zel tiin a sawi bawk a.
Petitioner te chuan Special Marriage Act of 1954 in inter-caste leh inter-faith couple te protection a pek ang chiahin same-sex couple te a pe ve tur a ni an ti a. Personal law kalh emaw tibuai zawnga chetlak an duh loh thu sawiin mahse 1954 Act gender-neutral a siam chu an phut mai chauh a nih thu an sawi a. Petitioner te chuan legislation 15 lai rights of wages, gratuity, adoption, surrogacy, etc. te chu LGBTQ+ citizens ten an hman ve theih loh a ni an ti.
Sorkar thung chuan tun hnaia affidavit a siamah same-sex marriage chu antithetical tia sawiin India mi tam ber te chuan inneihna chu ‘holy union, sacrament angah an ngai a’ mipa leh hmeichhia inkar chauha awm turah an ngai tiin a sawi a.
He statutory, religiously leh socially atanga penna siama mihring inlaichinna pangngai kaih her a nih dawn chuan Supreme Court ni lovin legislature -in dan siama a kalpui tur chi chauh a ni, tiin centre chuan a sawi thung.