Basketball hmanga inelna ngaihhlut hlawh leh sum tamna ber National Basketball Association (NBA) a mimal chawi-mawina ngaihhlut hlawh ber Most Valuable Player (MVP) chu NBA 2022-23 season atan thlan fel a ni ta a. Philadelphia 76ers player pawimawh Joel Embiid chu MVP atan hneh takin thlantlin a ni.
MVP thar Joel Embiid hian MVP thlannaah pakhatnaah mi 73 zetin an thlang a. Embiid hnuai chiaha awm Denver Nuggets player pawi-mawh Nikola Jokic chu mi 19 in player thla berah an thlang ve thung a. MVP vawi hnih ni zawn tawh Jokic hian MVP thar Embiid a thlau viau tho thung. MVP thlan naah hian Milwaukee Bucks player pawimawh Milwaukee Bucks chu pathumnaah a awm.
MVP thar Joel Embiid hi MVP thlangtu mi 73 zetin pakhatnaah an thlang a, mi 25 in pahnihnaah an thlan laiin, mi pahnih ten pathum naah an thlang ve thung a. Point a hmuh zawng zawng hi point 915 zet a ni a. Amah hnaih bertu Nikola Jokic-a’n vote 674 a hmu a. Embiid leh Jokic te inthlauhna hi point 241 zet a ni. MVP thar Embiid hi season kal mekah a chetha viau a, conference pay-off semi-final an khelh thlengin game khatah point 33.1 thawk-chhuak zel ang a ni a. African player zingah MVP ni thei pahnihna chiah a ni bawk.
NBA regular season-ah hian player tha ber ‘Most Valuable Player (MVP)’ thlan an ni thin a. MVP hi chanchinbumi thlanchhuah mi 100 ten vote thlakin an thlang thin. Player panga hming; tha an tih dan indawtin an ziak lang thin a. Pakhatna hian point 10 zel an hmu a, pahnihnain point 7, pathumnain point 5, palinain point 3 leh panganain point 1 khat zel an hmu a. Point belhkhawma point hmu s^ng ber khan MVP award an dawng zui ta thin a ni.
Regular season MVP bakah hian NBA Finals MVP a awm hrang leh a, hei hi chu NBA Finals a che tha bera ngaih hnena hlan thin a ni ve thung a. Football-ah khelh khata che tha bera an thlan ‘Man of the match’ ang deuh kha a ni e!
NBA MVP chu Embiid
