Chief minister Lalduhoma hoin sawrkar official pawimawhte leh North Eastern Development Finance Corporation Limited (NEDFi) hotute chuan NEDFi kaltlanga hmalak theihna thlirin Thawhtanni khan an thukhawm.
NEDFi hotuten an hnathawh dan leh an corporation-in scheme hrang hrang Mizoram tana hman tangkai theih an neihte an sawi a. Mizoramah branch pathum – Aizawl, Lunglei leh Champhaiah an nei a, entreprenuership hmasawnna lamah hma an la deuh ber. Project 1295, cheng vaibelchhe 211.30 senna kalpui mekin vbch. 183.83 chu a hmutute hnenah an pe tawh a. Artisan thilsiam chhuah zawrhsakna hmun Dawrpuiah an nei.
Mizoram sawrkarin entreprenuer development lamah nasa taka hma lak a tumna chu an tuipui hle tih sawiin, Mizoram sawrkar leh bank ho thawh dun theih tur ruahmanna an rawn duan bakah kum 2017 atanga kalpui tawh Ministry of DoNER hnuaia North East Venture Fund leh SIDBI thawhhonaa din an kalpui dan an sawi a. NEDFi’s Advisory & Consultancy Services chungchang an sawifiah bawk
Mizoramah he venture fund hmang tangkai mektu, starts up pali an awm a ni.
NEDFi atanga hma lak theihna thlirho
