‘Ng’ awmna tur la zirchiang
A, Aw, B.. a ‘Ng’ awmna tur sawn tum thu chu a changtu Education minister berin a lo hre loa, sawn tum thu pawh la zirchian mek zel nia sawi a ni.
Thawhlehnia Assembly Session-a zawhna chhangin School Education minister Dr Vanlalthlana chuan, Mizo tawnga A, AW, B a ‘Ng’ awmna
sawn leh sawn loh chungchang hi zirchian mek a ni a. Chutihlaiin a sawrkar ang chuan sawn tum a nih thu hi an hre lo tih a sawi.
Mizo Language Development Board-in a tir atangin hma a la a, a chairman-in function-a a telna pakhatah ‘Ng’ sawn chungchang hi a sawi a, a changtu minister pawhin chu chu a vawikhat hriatna a ni tih Dr Vanlalthlana hian a sawi. Hemi atang hian social media leh politic thilah inbeihna atan a kal chho a, tunah chuan an zirchiang mek tih a sawi a ni.
‘Ng’ awmna tur la zirchiang
