Hnahthial chhimlama National Highway kawng chhuat bal vanga hma lak zui dan tur enin Zirtawpni khan South Tuipui bialtu MLA Jeje Lalpekhlua hoin district thuneitute, kawng siamtute leh Sub Hqrs. YMA hruaituten a hmunah an tlawh.
Helai hmun an rual hian a hmunah sawiho ngai sawikhawm nghal a ni a. Hnahthial by-pass kawng laitute chu an kawng enkawl lai chhe lutuk chu fur lai pawh nise, a theih ang anga thawmtha a, lirthei tang a awm palh pawha tanpui nghal theia inring reng turin MLA hian a hrilh a. NHIDCL pawhin kawng minna thlang lamah lei tawlh zel tur venna atan lungrem nghal an tum tih an hrilh a. Lung rem an zawh hma leh emergency-a kal theih turin tuna kawng chhuat bal ko chhak lam hi laih nghal nise, an ti.
MLA Jeje Lalpekhlua chuan helai kawng chhuat bal chhak lam laih a nih theihna atana ram neitu FB Vanlalruata te chhungkaw inphalnaah lawmthu a sawi a. Lirthei lian tlan phal a nih loh thu Hnahthial SP-in thu a chhuah chu lirthei khalhtuten zawm theuh thei se a duh tih a sawi a ni.
NH kawng tla bala hma lak dan tur MLA hoin en
