Nikum khan environmental activists 177 khawvel pumah thahin an awm tiin non-governmental organisation Global Witness chuan a tarlang.
Nunna chan tamna ber chu Colombia-ah niin hei vang hian environmental defender te tana ram hlauhawm ber a nih phah l thei lo a ni.
Global Withness te chuan heng environmentalist thattu te hi hrem an ni ngai meuh lo va, hei vang hian pressure groups te chuan tualthattute chu tharumthawh zui zel thei turin a chawkphur zawk tiin an sawi bawk.
Environmental defenders te chuan Colombia bika nunna chan chu kum 2022 khan a letin an pung an ti bawk a.
Group te chuan report an tihchuahah kum 2012 atanga nunna chan an record tan chin ata nunna chan 382 lai an awm tawh tiin an sawi bawk a.
Colombia chu green activists te nunna chan tamna ber ram a nih rualin Latin America ram dang pawh nunna chan tamna ber ber an ni tho tiin an sawi bawk a.
Brazil-ah chuan environmental defender nunna chan 34 awmin, Mexico-ah 31 leh Honduras-ah 11 an awm bawk a. Amazon region-ah tualthahna 39 lai awmin heng zinga a tam ber te hi indigenous community mi leh sate an ni an ti bawk.
Heng nunna chante hian gold mining leh logging activists te hnen atangin vauna an lo dawng tawh thin tiin sawi a ni bawk a. UK, EU leh US a company thnekhatte te chu heng ram leh hmuna human rights bawhchhiatnaa inhnamhnawih te an awm hlawm tiin a tarlang bawk a.
“Research hrang hrang neihah indigenous mite chu ram ngaw venghim turin an tha ber a, climate crisis ven nan pawha pawimawh tawp an ni” tiin Global Witness senior adviser Laura Furones chuan a sawi a.
“Mahse Brazil, Peru leh Venezuela ram angah te chuan Indigenous te ber chu rahbehin an awm mek a, ni tinin beih an tawk mek zawk a ni,” tiin a tarlang bawk a.
Latin America bakah environmental activists te beihna nasatna chu Philippines-ah ni bawkin mi 11 lai tihhlumin an awm tiin Global Witness te chuan an lo sawi tawh bawk.
Nikumah environmentalist 177 tihlum
