NLUP tha zawk kalpui dawn
Congress a sawrkar chuan NLUP tha zawk kalpui a ni dawn tih Lunglei Dist rict Congress Committee (LDCC) president R Lalnunthara chuan a sawi.
Inrinnia Lungleia thuthar thehdarhtute a kawmnaah LDCC president chuan, Congress party chu mi hausa tlemte hlawkna siamtu ni loin, mirethei leh dinhmun harsa zawkte tana policy duangtu an ni tih a sawi a. Congress-in NLUP changtlung zawk a kalpui leh dawn tih sawiin, kum 2008-a NLUP kalpui a nih khan cheng vaibelchhe 2873.13 chu chhungkaw 15000 chuang hnenah semin, mitin thleng phak fairel bel a ni tih a sawi. NLUP chu chhungkaw tam takin an chhawr a, chuvangin NLUP tha zawk kalpui an tum tih a sawi a ni.
Party thenkhatin Prime minister Modi hnena NLUP titawp tura an hekna pawh PM Office-in a lo hnawl tih a sawi. NEDP hnuaiah cheng nuai 900 senna tur Lunglei by pass road atan dah a ni a, Circuit House sakna tur nuai 1000 dah a ni bawk a. Sawrkar inthlak vangin tunah chuan a cheiin an chei ta ngawt niin a sawi.
Zoram mipui tana Congress thatna chu, hnam tlem leh hnufual, chhawmdawl tura a ding tlat thin chu a ni, tiin, BJP sawrkarah hnam leh sakhua a him ta loa, rawngbawlna lamah harsatna a awm mek a, hei vang hian Congress tih chak chu mitin mawhphurhna a ni tih a sawi bawk.
NLUP tha zawk kalpui dawn
