Mizoram Home department hriattirna bawhzuiin senior SP Traffic Aizawl-in No Vehicle Zone neih laia lirthei tlan dan tur a ruahman a. December 22, 23, 29 leh 30 a hman tur lirthei tlan theih dan siam a ni.
Chanmari (Lower Zarkawt huam telin) leh Zodin Square inkarah chawhma dar 10.00 atanga tlai dar 4.00 thleng lirthei eng chi mah (thirsakawr leh nawrlirh huamin) tlan phal a ni lo. Hei hian hospital emergency duty bakah natna avanga damdawi in pante a huam lo
Civil Hospital Aizawl atanga lirthei chhuak chu Dawrpui Presbyterian biak in lamah kual loin Civil Hospital Road atanga Bazar Bungkawn lama tlan thla in, Saron Veng lama kal tur a ni.
No Vehicle Zone-in a huamchina taxi stand-te chu AR Mandir ep leh AR Quarter Guard hnuaia parking area-ah sawn a ni.
Chanmari leh Zodin Square inkar (Lower Zarkawt huam telin) lirthei engmah No Vehicle Zone hun chhungin dah phal a ni lo.
No Vehicle Zone chhung hian Aizawl chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungah traffic jam avanga harsatna a thlen lohna’n bungrua leh lirthei engmah dah phal a ni lo.
No Vehicle Zone hela lirthei tlan dan tur chu: Lirthei hmar lam panten Zodin Square an pel thei lo anga, tlak lamah Temple Square atangin Vaivakawn lama kalin, Chanmari West lama chhoh emaw Company Peng lama chhukthlain emaw hmar lam pan theih a ni.
Chhuah lamah Sikulpuikawn atanga Ramhlun Road via Republic Veng -College Veng – Bethlehem Veng – Chhinga Veng – Electric Veng lama kal theih a ni. Treasury Square atangin Electric Veng via Republic Veng – College Veng – Bethlehem Veng – Chhinga Veng lamah a kal theih bawk.
Aizawl khawpui lut lo turte chu Aizawl by-pass road ‘World Bank Road’ ah engtiklai pawhin a kal theih a. Tuithiang peng, Chhinga Venga Sapdengi in bul atangin chho zawngin tlan phal a ni lo.
Aizawl chhimlam pan lirtheiten Chanmari Bus Stand leh Hrangbana College an pel thei loa, Chanmari kawn atangin Lower Chanmari, Lower Zarkawt lama kal phal a ni lo. Chanmari Presbyterian biak in atanga Vaivakawn Road via Kawipui Chanmari West-ah a kal theih a, Bawngkawn atanga ITI Road via Ramhlun, Electric Veng adt. a kal theih bawk.
Lirthei reng reng Bazar Bungkawnah chhuah chhoh phal a ni loa, Modern English High School bula kualthla in, Saron Veng/ Chhinga Veng lamah an let ang.
No Vehicle Zone helna kawngin a paltlang local council hruaituten traffic jam avanga mipuiin harsatna an tawh lohnan theihtawp chhuahpui tura beisei an ni tih Traffic SP hian a sawi.
Thil zawrh chungchangah No Vehicle Zone huamchhungah chawhma dar 10.00 atanga tlai dar 4.00 thlengin mipui kea kalte tibuai thei turin kawngpui dungah thil zawrh leh dah khap a ni tih a sawi.
Dropping leh pick up tur ringawtin lirthei chu – hmar lamah Chanmari Presbyterian biak in helin an kual let anga; chhimlamah Zodin Square atangin Canteen kualah, AR Mandir helin chhimlamah kual let tur a ni.
Lirthei dah theihna hi, hmar lamah two wheeler tan Govt. Mizo High School Field, Govt. Mizo HSS, Commerce department gate bul, Govt. Mizo HSS Multi Level Parking hnuai ber, Hrangbana College leh Higher & Technical Education department office inkar, Chanmari Prtesbyterian biak in atanga KFC dawr thleng.
Four wheeler tan Dr Lunghnema in, Chanmari (Chaltlang Road) atangin Chaltlang Dawrkawn inkar kawngpui sir zau laiah chauh park theih a ni.
Chhim lamah two wheeler tan DC office peng atanga SP Aizawl office peng inkar, Dak Inpui leh Supply department office kawt; two wheeler leh LMV tan Aizawl South Treasury office kawt, Planning office kawt, Aijal Park kawt kawngpui dung, Aijal Club atanga Revenue office inkar.
Kawng dala lirthei dah phal lohna siam a ni a. Temple Square to Vaivakawn road, Vaivakawn Hunthar peng to Company peng leh Vaivakawn atanga Chanmari Traffic Point via Chanmari West, Bawngkawn to Sikulpuikawn via Ramhlun North – Ramhlun South -Aizawl Venglai – Electric – Chhinga Veng – Saron Veng – Tuithiang Veng – Bethlehem Veng – College Veng – Republic Veng – Upper Republic/Treasury Square; Armed Veng to Chhinga Veng Road Sapdengi in bul thleng; Ramthar Sihpui to Chhinga Veng via Electric Veng.
Heng tarlante hian chhiatrupna thil – kangmei leh emergency pawimawh bika duty, dan leh thupek pawimawh bika police leh magistrate duty-te chetvelna chu a huam lo a ni.
No Vehicle Zone siam laia lirthei tlan theih dan
