Nobel Prize in Economics dawng tur thlang ta

Royal Swedish Academy of Sciences chuan kum 2023 Alfred Nobel hriat reng nana Sveriges Riksbank Prize in Economic Sciences chu Claudia Goldin hnenah ‘women’s labour market outcomes hriatfiahna’ a tihhmasawn avangin a pe.
Claudio Goldin hi Harvard professor niin economics prize dawng thei hmeichhia pathumna chauh niin Economics bik hi kum 1969 a\anga pek \an niin kum 2009 khan Elinor Ostrom hnenah hlan a ni a, kum 2019 khan Esther Duflo hnenah hlanin a awm leh a ni.
Claudia Goldin hian thudik thar leh leh mak tak tak pe chhuak theiin hei bakah hian labour market a hmeichhia te opportunity a khawih theih dan hrefiahin hmeichiate hnathawh demand san dan a hrefiah a ni, tiin Nobel prize press release chuan a tarlang.
“A hriatfihnate chu US border mai ni lo ram dang dangah pawh kalphung inang tak nei vek a ni a. A research chuan nimin, vawiin leh naktuka labour market te min hriatfiahtir zawk a ni,” tiin tarlan a ni bawk.
Nikum khan he Nobel Memorial Prize in Economic Sciences chu Ben S. Bernanke, Douglas W. Diamond leh Philip H. Dybvig te hnenah ‘financial crises laia bank hnathawh” chungchang an hnathawh avangin pek an ni a.
Alfred Nobel hriat reng nana Sveriges Riksbank Prize in Economic Sciences pek chhuah a nih leh takah hian kumin Nobel season chu kharin a awm ta a ni.
Economics prize hi Alfred Nobel an kum 1896 a thuchaha neia a sawi panga zinga tel lo awm chhun a ni a. Swedish central bank-in kum 1968 a donation a pek hmanga pek chhuah niin hei vang hian ‘false Nobel’ tia hriat lar a nih phah bawk.
Mahse, science prize dang ang bawkin Royal Swedish Acedemy of Sciences ten a dawng tur an thlan tho niin prize dang ang bawkin engkim kalpui a ni bawk.
Noble prize te hian cash award 1 million Swedish kronor ($900,000 dawn) keng tel vekin December 10 ah pekchhuaha hlanna neih a ni ang a. Henga sum te hi kum 1895 a thi tawh Swedish investor Alfred Nobel ro hnutchhiah a\anga pek zel a ni.
Nobel Prize hi October 2 khan puanchhuah hmasak ber niin Royal Swedish Academy of Sciences te chuan Physiology or Medicine Nobel chu Katalin Kariko leh Drew Weissman te chu dawng turin an thlang a.
Nobel prize in Physics chu mi pathum Pierre Agostini, Ferenc Krausz, leh Anne L’Huillier te hnenah hlan niin Nobel Prize in Chemistry pawh scientists pathum – Moungi G. Bawendi, Louis E. Brus leh Alexei I. Ekimov te chu dawng tura thlan an ni bawk a.
Ngaihhlut hlawh ber Nobel peace Prize chu Iranian activist Narges Mohammadi hnenah hlan a ni a. Norwegian author Jon Fosse chu Nobel Prize in Literature dawng tura thlan a ni thung.