BJP sorkar-na ni lo state panga Delhi leh West Bengal pawh telna chuan national assessment regulator PARAKH tena State Educational Achievement Survey an neihah an tel ve duh lo tiin Education Ministry officials te chuan an sawi.
He survey hi school teaching leh zirna lam hawi hrim hrima hmasawnna tur hriatfiahna tur leh naupangte dinhmun hriatchianna tura ruahmanna a ni a.
November 3 khan kalpui \an niin survey hamngin India ram hmun hrang hranga class thum, ruk leh kua te zirna lama an dinhmun hriatfiah tumna a ni.
“Survey hian school nuai thum velah zirlai nuai 80 vel block hrang hrang 5,917 a huam a ni. Zirtirtu nuai 6 leh field investigator nuai 3 chuang an tel bawk,” tiin tarlan a ni bawk a.
“He survey-in a tum ber chu zirlaite an zirna tun dinhmun azir zel behchhana an dinhmun hriat a ni a. A bul\hut, an inpuahchah dan te \awng leh mathematics thlurbing dan te hriatfiah tumna a ni” tiin senior Education Ministry official chuan a sawi a.
Survey-ah hian Chhattisgarh, Delhi, Odisha, Punjab, Rajasthan, leh West Bengal tih loh state dang zawng te chu an tel vek a ni.
Zirlaite theihna dik tak hriat a nih theih nan hian scientific procedure hmnan niin assessment methodology ah pawh paper-pen based approach OMR technology data lakkhawm leh analyse na tur te leh dik taka kalpui theihna tur te hman a ni tih a ni bawk a.
“State Educational Achievement Survey, 2023 hlawhtling taka neih hmang hian education system chhungah chakna leh chaklohna te thlurbing tur te kan hre thei tawh dawn a ni. Heng te hi zirlai te hnena quality education pek tumna kalpui zelna a ni,” tiin School Education Secretary Sanjay Kumar chuan a sawi a.
Kumina survey neiha pawimawh bera an ngaih chu learning gap hriatfiah nana a hmaa district anga kalpui chu hnawlin block level angin kalpui a ni thung.
“Block level a kalpui a nihna chhan hi zirlaite dinhmun dik tak fiah zawka hriatchian duhna avang a ni a. Chu mai bakah block level-ah teachers’ professional development pawh a huam tel a ni,” tiin Kumar chuan a sawi bawk.
Sorkar official te chuan tun hi NCERT hnuaia Performance Assessment, Review and Analysis of Knowledge for Holistic Development (PARAKH) tena hetiang kaihhnawih survey an neih hmasak ber a ni an ti bawk.
Non-BJP state ten PARAKH ti ve duh lo
