Ni hnih awh Khelo India-NTPC North East Zone Open Archery Tournament chu Aizawl Republic Veng khelmualah zawh fel a ni.
Nilainia ranking round khelh a nih hnuah Ningani khan final khelh zui a ni a, khuain bumro deuh mah se inelna tluang taka zawh fel a ni.
He intihsiakah hian Assam leh Meghalaya chuan gold pahnih ve ve lain state dangte aiin an chungnung hret a ni.
Khelo North East Open Archery final khelh zawh lawmman semah Lalramsanga Sailo, Secretary, Sports & Youth Services Department chu khuallian niin, John |anpuia (Secretary, Mizoram State Sports Council), Zosangliana Hualngo (Commandant General, MHRG), R. Lalrinmawia (Senior Sports Promotion Officer, MSSC), Dr. KB Gurung (Vice President, Archery Association of India), Isaak Rodingliana Hmar (PS, MP Rajya Shaba), Lalrinzuala (President, Mizoram Table Tennis Association) leh Lalnghakliana (President, Mizoram Snooker & Billiards Association)-te’n an hmanpui.
Archery Association of Mizoram (AAM)-in a thlen hmarchhak state-te inelnaah hian state panga – a thlengtu Mizoram bakah Assam, Meghalaya, Nagaland leh Manipur atanga infiammi kalkhawm 40 chuangte chu metre 70-a hla atanga recurve thal kah leh metre 50-a hla atanga Ccompound thalkahahte an inel a ni.
Khelo India hnuaiah Archery Association of India chuan Zone pangaah inelna a buatsaih a, chu’ng zone-te chu North, South, East, West leh North East niin, Mizoramin hmarchhak bial inelna hmasaber kan thleng a ni.
Result kimchang
RECURVE (Mipa)
Mukesh Tamang (Meghalaya) – Gold
L.Nelson Singh (Manipur) – Silver
Production Borgoyari (Assam) – Bronze
L. Yuhenba Meetei (Manipur) – 4th place
RECURVE (Hmeichhia)
Jashna Brahma (Assam) – Gold
Edikunu Rikha (Nagaland) – Silver
Ruoviuo Theunuo (Nagaland) – Bronze
Hiramoni Halwa (Assam) – 4th place
COMPOUND (Mipa)
Rum Bahadur Thapa (Meghalaya) – Gold
Arnab Jyoti Deka (Assam) – Silver
Hemanta Boro (Assam) – Bronze
Imchayanger Ao (Nagaland) – 4th place
COMPOUND (Hmeichhia)
Anjali Baro (Assam) – Gold
Lotsulu Sazo (Nagaland) – Silver
Rovine Domah (Nagaland) – Bronze
Adorable Wanniang (Meghalaya) – 4th place