Nungchate Paradis dintu chawimawi
ASEP Gen. Hqrs chuan Falkland Venga “Nungchate Paradis” dintu leh a hmuna awmchilhtu Dr K Hawla Sailo chu Thawhtanni khan chawimawina an hlan.
ASEP president K Lalmuansanga chuan Mizorama nungcha humhalhna kawnga sulsutu leh meichher chhitu mi chhuanawm tak a nih avangin chawimawina hi hlan an ni tih a sawi a. Amah Dr K Hawla pawhin Pathian hnen atanga a dawn angin nungchate paradis chu din a nih thu leh ‘Eden thar’ hlimthla entirna tura din a nih thu a sawi.
Nungchate Paradis hi acre 7 vela zau a ni a, a hmuna thing awm hi phun chawp deuh vek a ni. A chhungah hian nungchate inbualna tur dil siam a ni a, rahtlan tur a awm lai phei chuan sava chi hrang hrang leh nungcha tenau deuhte chu hmuh tur an awm deuh reng tih sawi a ni. A chhungah hian Paradis chhunga fam chang Tlaiberh lungphun leh Chingpirinu lungphun siam a ni bawk.
He paradis-a nungcha awm ang angte humhalh puitu ni theuh turin a chhehvela cheng zawng zawng a ngen tih ASEP chuan a sawi a ni.
Nungchate Paradis dintu chawimawi
