Nupa nun tana chaw tha – Bedroom foods!

Nupa nun tana chaw tha – Bedroom foods!
Kan ei leh in hian bedroom-a nupa nunah nghawng an nei thei niin mithiam ten an sawi a, tun tumah hian bedroom lama mi tichak thei chaw chi hrang hrang ni a Times of India health section-in a tarlan te kan rawn chhuah chhawng e. Tunlaiah a hmei a pain nupa nun hman kawnga harsatna nei kum lama naupang tak tak thlengin kan awm ta nual a, mipa lamah erictile dysfunction (mipatna tho ziktluak tha thei lo) te pawh kum 40 hnuailamah an awm ta nual a, chuvangin tun tuma kan rawn tarlan tur hi a pawimawh hle a ni.
1. Strawberries- Strawberry hi hmangaihna lama pathiannu Venus chaw duh ber niin thawnthu lamah an sawi thin, mithiam te chuan he thei hi bedroom lama mi tichak thei niin an sawi. Kan adrenal gland a tichak a, hmeichhe tan phei chuan an sex hormone a titam thei a, chu chuan bedroom lama mi a tichak thei hle a ni.
2. Basil- Hnim chikhat a ni a, thisen luang a tichakin heart rate a tichak thei a, bedroom lama mi tichak thei tu tha tak a ni. Soup-a telh emaw, chawhmeh a hman emaw pawh a tha ve ve. Bedroom lama che tha thei lo tan basil ei tam a tha hle.
3. Celery- Celery hi chu kan hmelhriat ve tawh viau a, salad velah te kan telh thin a nih hi. He thlai pawh hi bedroom lama mi tichak theitu tha tak a ni. Celery kuang chu sour cream nen emaw ei pawlh la, a nih loh pawhin soup emaw salad-ah emaw telh thin ang che. Celery-ah hian androstone a awm a, chu chu mipa tiphur theitu hormone a ni. Mipain celery a ei tam chuan pheromones a lo insiam hnem a, chu chuan hmeichhia a hip thei riau.
4. Thakthing- Annin cinnamon an ti a, taksa a tilum a, bedroom lama mi tichak theitu a ni. Anti-inflamnmatory properties a nei a, blood sugar a ti-normal thei bawk. Thakthing dip chu zan mut dawnah bawnghnute no khat nen chawhpawlhin in thin tur a ni.
5. Curry- Vai chawhmeh duh zawng tak, curry spicy deuh pawh hi bedroom lama mi tichak thei a ni. Heart rate a tichak thei. Curry i siam leh hunah fenugreek telh ngei bawk la, fenugreek hian sex hormone testosterone kan taksaa insiam tur a titam a, chu chu bedroom-a mi tichak theitu tha tak a ni.
6. Khawizu- khawizu-ah hian vitamin B a tam a, chu chu mipa sex hormone testosterone siamtu tha tak a ni. Zingkarah kleh zan mut dawnah khawizu fiante khat leh tui lum no khat chawhpawlh a in mai tur a ni.
7. Sawhthing- Sawhthing hi kan chawhmeh hriat lar pawl tak a ni, mahse, bedroom lama nghawng a neih thu erawh kan hre kher lo mai thei. Thisen luang a tichak a, body temperature a tisang a, chu chu nupa nun lama mi tichak theitu tha tak a ni.
8. Avocado, pine nuts, cardamim, almonds, hmarcha, dawnfawh, asparagus leh vanilla te pawh bedroom lama mi tichak theitu chaw tha an ni e.