Nupui neih hnuah mipa nun inthlak

Tlangval chuan a tlangval nun chu ngaiah a nei a, kawppui a neih hnuah engtiang chiahin nge a nun a inthlak tak le?
Tlangval ta na na na chu a nun pawh a zalen a, nuam te pawh a lo tawl ve deuh a ni mahna. Tichuan nupui a nei ta a. A nun chu a inthlak ta. Buaina hlir a ni, buaina nuam chi. Engkim a danglam vek tawh.
1. |ul lova sum khawhral mai mai a rem tawh lo. Phal a ni lo! Tlangval laia midang ngaihtuah ngai miah lova mahni thu thu a, neih ang ang hman pawp pawp hunlai kha chu a liam tawh. Kan thlakhat sum tla tawk tur kan lo hmang ral hma deuh a nih pawhin ‘next pay’ hma chu kan rethei deuh mai a!
Mahse, nupui neih hnuah zawng chutiang a ni ve tawh lo. Pawisa engzat nge i neih tih leh hlawh lak leh hmain ni engzat nge la awm tih te nen i chhut thlip thlep zel a ngai tawh tlat!
2. A ‘flirt’ theih tawh lo. A theih tawh loh kan ti nain, theih chu theih e, mahse, a pawi thui thei tawh tlat. Mipa ve lem ‘ka flirt’ ngai lo, tih chu an tlem khawp ang. An lo awm a nih pawhin an daw deuh a nih loh pawhin nupui an nei tawh tihna!
Nupui neih hnuah pawh hmeltha i la hre tho a, hmuhnawm i tihna pawh a la bo chuang lo. Mahse, chutiang zawng zawng chu i tilang thiang tawh lo, i thinlung kawngkhar kalh hmak kha a him ber tawh!
3. Engkim tan hun ruat a ni. Tlangval lai chuan duh chen chen i meng a, i duh hun hunah i tho leh a. mahse, nupui neih hnuah chuan chutiang ngawt a ni thei tawh lo. Tih theih dang vak a awm chuang lo, i nupui chuan a mut hun a control tawh dawn.
4. Intihfai leh chetfel a ngai tawh. Tlangval room chu a hnawk duh viau. mahse, nupui neih hnuah zawng thawklehkhatah a room te pawh a lo fel ta thlup mai. Chu chu engvang nge tih zawn chhuah kher a tul lo, a ni ve tawp mai, tih kha pawm mai tur. Room fel fai thlap maiah, nupui fai sar mai, rimtui chzk chzk bula mut zantin mai te kha ngaia nei tur chuan a duh rei ve fu a nia.
Nupui neih chuan tlangval nun chu a letling thawk a ni ber e.