Nakkuma Oasis band reunion gig neih turah, ticket lo lei tawh zinga mi 50,000 aia tam chu an ticket cancel sak an ni dawn.
The Oasis Live ‘25 promoter in an sawi danin, kum thara Oasis reunion tour ticket lo lei tawh, mi 50,000 chuangte chu tun chawlhkar thar lo awm tur lamah an zirchiang dawn a, an phalna nei leh website pawmpuite chauh kaltlanga ticket book lo te chu an cancel sak dawn a ni.
Promoter aiawha thupuangtu chuan, “Promoter te hian a tir atangin dan leh hrai felfai tak an siam a, ticket agent Ticketmaster leh See Ticket te hian anmahni kaltlang loa ticket booking reng reng hi, dan an bawhchhiat avangin cancel sak an ni ang,” an ti.
British band lar Oasis reunion tour promoter te hian, heng an ticket cancel sak te hi, Ticketmaster website kaltlangin an hnawh khat leh dawn a, he website kaltlangin a book leh theih dawn tihna a ni a. Chutih laiin, phalna nei lo leh promoter in website an pawm pui loh kaltlanga ticket hi book lo turin fans-te an hriattir nghal bawk.
Kum 2009 daih tawh khan, France-a Rock en Seine festival-ah show an nei. Mahse, vanduaithlak takin hemi tum hian Liam leh Noel Gallagher te unau chu backstage-ah an intibuai a. Oasis band chu a kehdarh nghal. Hemi hnua an reunion neih hmasak ber ni turin nakum an ruahman a, Manchester, Cardiff, London, Edinburgh leh Dublin te bakah, US, Canada leh Australia ah te pawh reunion tour an nei dawn a ni.
OASIS reunion tour ticket 50,000 chuang cancel dawn
