June 9 khan Saitual Police chuan Keifang daiah car UP32 NZ 6396, Manipur atanga Aizawl pan chu an lo tiding a. Uluk taka an enfiah hnuah a chhunga thuhruk, opium fluid nia hriat bawm 71-a awm, kg 45.871 a rit hmuhchhuah a ni. He thila inhnamhnawih – Somraj (36) leh Kailash (28) Jodhpur Rajasthan lam mi ve ve chu man an ni a. Saitual Police Station-ah ND&PS Act tlawhchhanin thubuai ziah luh a ni.
June 8 khan Champhai Police Khankawn Check Gate-a duty-te chuan Champhai atanga Aizawl pan lirthei pakhat tidingin an enfiah a. He lirthei passenger Vanlalnghaka (36), Tualcheng khua, tuna Vengsang Champhaia khawsa mek nia insawi chu a bungruaah ruihhlo phur nia rinhlelh niin, a bag chhunga pheikhawk sen chhunga thuhruk heroin hawng 2 (gram 29) hmuhchhuah a ni. Champhai Police Station-ah ND&PS Act tlawhchhanin thubuai ziahluh a ni.
June 10 zing dar 10.30 khan Excise & Narcotics Enforcement staff chuan Zotlang Champhai Seventh Day Adventist motor workshop pengah heroin gram 99 (hawng 8) an man a, a phurhna atana hman car MZ-01 L 0335 leh hemi kaihhnawihah hian Iqbal Hussain (28) Karimganj Assam nia inchhal man a ni. ND&PS Act 1985 thlawh chhanin thubuai siam a ni.
Opium leh heroin man
