Mizoram Legislative Assembly-a leader of opposition Lalchhandama Ralte chuan Ningani khan Assembly Secretariat Annexe-a a office a luahlut. MNF Legislature Party member-ten an tawiawm.
MLA Lalchhandama Ralte chuan leader of opposition dinhmun luah thei khawpa thlawptu MLA a nei tling chu lawmawm a tih thu a sawi a. He dinhmun hi a awmna tura Pathianin a ruat a nih ngei a beisei thu leh ram leh mipui tan sawrkar khalhngil tura theihtawp chhuah a tum thu a sawi a ni.
Mizoram Legislative Assembly-ah hian leader of opposition tling phak turin MLA 10 talin leader atan an pawm a ngai a, kum 15 chhung leader of opposition hi neih a lo ni tawh lo a ni. Speaker hian leader of opposition atana Lalchhandama Ralte a pawmna hi December 13 khan hriatirna a tichhuak a ni.
The Mizoram Salaries and Allowances of the Leader of Opposition Act 1999 tarlan danin, leader of opposition hi hlawh leh facilities-ah cabinet minister tlukpui a ni.
Opposition leader-in office luah
