Opposition MP sawm pangate chu an chet mawi loh avangin Parliament thlasik |hutkhawm chhung zawng tel ve thei lo tura hrem an ni a. Heng MP te hian Lok Sabha-a security breach sawiho an ngiat vang a ni a, sawm pali zinga sawm pathum chu Lok Sabha member niin Rajya Sabha atangin Derek O’Brien a tel thung.
Parliament member-te chuan House pahnihah Home Minister Amit Shah chu a hma ni lawka public gallery atanga security breach sawifiah turin an gniat a ni.
A hmasa berah TMC member Derek O’Brien chu a chetdan duh loh avangin suspend a ni hmasa ber a. Chairman Jagdeep Dhankhar chuan O’Brien chu vauin House chhuahsan turin a ti zui a ni.
He mi kaihhnawihah hian Leader of the House Piyush Goyal chuan motion move in voice vote hmanga pawm nghal a ni a. Chairman chuan O’Brien chu session chhung zawng House a thu thei lova hrem a nih thu a puang zui a ni.
Lok Sabha-ah pawh Union Parliamentary Affairs Minister Pralhad Joshi chuan T.N. Prathapan, Dean Kuriakose, S. Jothimani, Ramya Haridas leh Hibi Eden te suspend an nih theih nan motion a siam bawk a.
A hnu lawkah Benny Behanan, V.K. Sreekandan, Mohammad Jawed, P.R. Natarajan, Kanimozhi Karunanidhi, K. Subrahmanyam, S.R. Parthiban, S. Venkatesan, leh Manickam Tagore te pawh telh zui niin hrem an ni zui ta a ni.
Opposition MP 15 session chhung chawlh tir
