PAC-in District Court
leh Hospital zirchiang
Mizoram Legislative Assembly-a Public Accounts Committee chuan Nilaini khan District Court Lawngtlai leh District Hospital Lawngtlai tlawhin an zirchiang.
Public Accounts Committee hi an chairman, Lalchhamdama Ralte chuan kaihruaiin, PAC member – C Ngunlianchunga, VL Zaithanzama, Dr K Beichhua, TBC Lalvenchhunga leh Lt.Col. Clement Lalhmingthanga ten an tawiawm. Assembly Secretariat official, Law & Judicial leh Health & Family Welfare department hotuten an telpui.
PAC hian Ningani khan Siaha panin, District Court leh District Hospital tlawhin an zirchiang leh a. Siaha district bawrhsap VL Hruaizela Khiangte, SP Manjeet Singh Sankhla, senior CMO Dr Lalnunziri leh CJM Thomas Lalrammawia ten an lo hmuak a ni.
PAC-in spot study an neih zawh hian nizan khan Siaha-ah an riak a, vawiinah Aizawl an pan ang.
PAC-in District Court leh Hospital zirchiang
