Pahnihnaah Mohun Bagan
Nilai zan khan ISL 2024-25 khelh chhunzawm a ni a, inkhel awm chhunah Mohun Bagan Super Giant chuan si hnih faiin an hneh a, pahnihnaah an inhlangkai.
Kolkata club lian Mohun Bagan hi Hyderabad hmachhawn turin GMC Balayogi Athletic Stadium-ah an lenglut a, an lenluhna mualah si hnih faiin an chak. Bagan tan hian Manvir Singh chuan minute 37-naah hmahruaina goal a thun a. chuan minute 55-naah an goal hnihna a thun leh bawk a. An goal hnih thunte hun tawp thlengin an venghim.
Hyderabad lakah an chak vangin Mohun Bagan Super Giant hian khelh ruk atangin pont 13 an hmu a, Jamshedpur FC lehpelin pahnihnaah an inhlangkai. ISL season kal mekah khelh ruk atanga point 16 hmuin Bengaluru FC in hma an hruai a. Champion lai Mumbai City FC chu pakuanaah an awm mek thung. Kolkata club lian Bagan in pahnihna an luah laiin an elpui lian SC East Bengal chu vawi ruk an tlawm zawn tawh thung a. East Bengal hian point hmuh nei lovin table mawngphah an luah nghet.
ISL 2024-25 Table
Team P GD Pts.
Bengaluru FC 6 +10 16
Mohun Bagan 6 +5 13
Jamshedpur FC 6 -1 12
Punjab FC 4 +3 9
NorthEast United FC 6 +4 8
Chennaiyin FC 5 +1 8
Odisha FC 6 0 8
Kerala Blasters FC 6 -1 8
Mumbai City FC 5 0 6
FC Goa 6 -1 6
Hyderabad 6 -4 4
Mohammedan SC 6 -8 4
SC East Bengal 6 -8 0