Nilai zan khan Europa Conference League final khelh a ni a. Red Bull Arena, Leipzig a inkhel hmuhnawm takah English club Crystal Palace chuan Spanish club Rayo Vallecano an hneh a, a vawi khat nan an champion. Conference League-ah Crystal Palace an champion vangin English club pakua ngawtin season tharah European Competition an khel dawn.
Final-ah Crystal Palace leh Rayo Vallecano te an inhnehtawk viau a, goal pawh a lut lawk thei lo. European competition final an khelh vawi khatnaah English club Crystal Palace in champion ngei tumin \an an khawh a, khelh pawh an khel \ha hle. Eagles tan hian Adam Wharton a khel \ha viau a, player of the match-ah thlan a ni hial nghe nghe. Final-ah a chet \hat em vangin World Cup khel tura ko duh lotu England manager Thomas Tuchel sawiselna a lian thar leh zual. Conference league-a Crystal Palace a champion pui danah Wharton hian World Cup a England aiawh tlak a nihzia a lantir chiang hle.
Inkhel hmuhnawm takah hian chawlhlawk hmain goal lut a awm thei lo phawt a. Chawlhlawk hnu lamah goal a lut ta thuai thung. Hmasawn chak tak Jean-Philippe Mateta chuan minute 51-naah hmahruaina goal a thun.
Goal thun hmasa zawk an nih vangin Palace an phur viau a, inrintawkna sang zawk nen final boruak sangah an inlan chhunzawm. Spanish club Rayo Vallecano in an si phurh sut tum viau mah se an hlawhtling zo lova, Crystal Palace lakah uiawm taka tlawmin, champion an tumna an puitlin zo lo. Mateta goal thun hnuin goal dang a luh belh thei tawh lova, Crystal Palace chu European competition-ah a vawi khat nan an champion.
Conference League-ah Crystal Palace an champion vangin English club pakua ngawtin season tharah European competition an khel phak dawn. Champions League-ah Arsenal an champion vangin English club pangain UCL an khelh phak phah tawh a. Palace champion vangin Europa League khel tur an pung leh hret bawk. EPL-ah club 20 an awm a, a zatve deuhthaw in European competition an khel dawn tihna a ni.
Palace siam liantu Clasner
Manager-a Oliver Glasner an rawih hmain Crystal Palace hian trophy lian lak an nei lova, kum 119 zet trophy lak nei lovin an awm tawh. Clasner an rawih hnuah erawh trophy pathum an la der awh thung. 2025 khan FA Cup final-ah Manchester City an hneh nawlh a. Comunity Shield an lak zui leh bakah Europa Conference league-ah an champion zui leh bawk a. Crystal Palace siamliantu Clasner hi an club chanchinah a hming a dai leh tawh ngai lovang a, manager ropui a ni reng taw ang.
Palace an champion
