Indian track athlete-te zinga 2024 Paris Olym-pics inelna hmachhawn tura tling hmasaber chu ace 3000m steeplecha-ser Avinash Sable niin, Pathianni khan Poland ram Silesia khuaa Silesia Diamond League meet-ah parukna dinhmun hauhin, a career-a a chet-that ber dawttu a la ni.
Kum 28 mi Sable hian minute riat leh second 11:63 chhungin tlan-kawng a zawh zo a, a national record time (8:11.20) pha lo deuh mah se Paris Olympics-a inlan tura ramri kham (qualifying mark of 8:15.00) a khum zan a ni.
Olympic-a tel tur zawnna (qualification period) hi tun June ni 1 atang khan a intan chiah a, June ni 30, 2024 thleng a awh dawn a ni.
Moroccan world and Olympic champion El Bakkali Soufiane chu Indian athlete telna Pa-thianni race-ah pakhatna niin, meet record time 8:03.16 hmangin lawm-man semna dawhsan chung ber a luah a, a hnuaiah Kenyan pahnih Abraham Kibiwot (8:08.03) leh Leonard Kipkemoi Bett (8:09.45)-te’n pahnih-na leh pathumna an luah. He thu buatsaih lai thleng hian, hriat theih chinah, nakkum Paris Olympic-a inlan turin Indian paruk an tling tawh a, Sable bik hi track athlete (tlan mi) zinga India atanga ‘qualify’ hmasaber a ni.
Sable kan hmuh hma hian 20km race walker pathum – Akshadeep Singh, Vikas Singh leh Paramjeet Singh Bisht-te chu men’s event lama chhuak turin an lo tling tawh a, 20km race walker tho women’s event lama tlan turin Priyanka Go-swami a tling tawh bawk.
Anni pali bakah hian long jumper Murali Sree-shankar chu Paris Olym-pic-a tel turin a tling tawh a, tunah Sable kan hmu leh ta a ni.
Indian palite telna tur men’s and women’s race walk hi road event niin, motor kawngpuiah an tlan dawn a; Sree-shankar inlanna tur long jump hi field event ni thungin, Avinash Sable-a tlinna 3000m steeple-chase pawh hi stadium chhung tlankawng bik (track)-a tlan mi a ni.
Avinash Sable hi kum-in (August ni 19-27) chhunga Hungary khaw-pui Budapest-a nghah tur World Championship atan a tling tawh bawk.
Paris Olympic-a inlan tur Sable
