Parliament Special Session ni thumna September 20 khan Assembly leh Lok Sabha-a hmeichhiate tana seat zaa 33 hauhna tur ‘Women’s Reservation Bill 2023’ chu Lok Sabha-in a pass. Lehkha ziaka vote laknaa tel Mizoram MP C Lalrosanga pawhin he bill hi thlawpin a vote a ni.
He bill atana vote laknaah hian Lok Sabha member 454-in a thlawp zawngin an vote a, a thlawp lotu vote 2 a awm. Vote thlaknaah hian Prime minister Narendra Modi bakah Union Home minister Amit Shah, Defence minister Rajnath Singh leh central minister dangte an tel a. Eptu lamah opposition leader Adhir Ranjan Chowdhury leh member dangte an tel bawk.
Nilaini khan bill hi sawiho a nih hnuin, hemi zan dar 9 velah Lok Sabha-a vote thlak laia awm bill thlawptu member hmun thuma thena hmun hnih vote mamawh zat a tlin avangin pass fel a ni tih speaker Om Birla chuan a puang.
Parliament pass tak Bill MP-in thlawp zawngin vote
