Thorang bialtu MLA Er R Rohmingliana chuan a bial chhunga HSLC leh HSSLC distinction-a pass chinte hnenah laptop a pe.
MLA hian tunkar chhung khan a bial chhunga high school 10 zinga 5 leh higher secondary school 2 awmah 1 a tlawh a. MBSE-in HSLC leh HSSLC result a tih chhuaha pass-te chawimawina hlanin, distinction-a pass chin hnenah laptop a pe vek. Bial dang atanga top 10 an awm theih chuan Thorang bial atang pawhin an awm ve theih ngei a ring, tiin zirlaite a fuih a ni.
Thorang bial chhungah sawrkarin college pakhat tal din ve se a duh tih Er R Rohmingliana hian a sawi a. Zirlai naupang, rilru thianghlim tak takten thinlung taka ram kan vei a hun tawh, tiin, rual u zawk, party politics ruihchilh hote anga an ngaihtuahna seng ve mai mai lo tur leh social media hmangthiam turin a fuih.
Pass thate laptop pe
