Indian sorkar chuan Nilaini atang hian petrol leh diesel hralh chungchanga hun eng emaw chen khuahkhirhna a kalpui chu a hlip dawn.
US leh Israel tang dun leh Iran indona leh Strait of Hormuz khar a nih avanga a lak luhnaa harsatna a tawh karah June thla chawhma lam khan indaih loh a awm hlauhna avangin khuahkhirhna hi a kalpui tan a ni.
Indaih loh awm thei laka inven nan khuahkhurhna a siam avangin sumdawnna atana hmangte chu petrol leh diesel an lei a khapsak a. Vantlang tan pawh an mamawh tawk chauh an lei theih nan lei theih zat an siam bawk.
Sorkarpui hian khuahkhirhna hi June 12 atang khan a kalpui tan a, khawvel puma a man sang chung pawhin petrol leh diesel man a danglam lo va, retail leh a hlawma leite man inkarah a tizau va, hei vang hian industry, sumdawng leh hmun pawimawh bika mite tan retail-a an lei a ngaih phah.
Tunah erawh chuan lak luh zat dinhmun thlirin sorkar chuan hun eng emaw chen atana hmalaknate chu mipui vantlang tana hlawk phahna tur a awm tawh lo va, khuahkhirhna hnuk kir a nih tur thu a puang ta a ni.
Ministry chuan khuahkhirhna kalpui khan ram pumah petrol leh diesel awm zat tur a awm theih nan a pui tih a sawi.
Petrol leh diesel hralh khuahkhirhna hlip dawn
