Season laimtaa Wo-men’s Super League Gol-den Boot dawngtu Aston Villa forward Rachel Daly chu PFA women’s player of the year award dawngtu a ni zui leh a; Chelsea star Lauren James chu young player of the year atan thlan a ni.
Kum 31 mi England international Daly hian season liamta khan Villa-ah a debut season hmang chauh mah se goal 22 khungin Women’s Super League-ah top scorer a ni thei a; kumin Women’s World Cup final an luhna kawngah England player pawimawh niin, group stage lama 6-1 ngawt maia China an sawp tumn khan goal a thun nghe nghe.
Daly hi PFA’s Wo-men’s Super League team of the year-ah thlan a ni nghal.
US club Houston Dash lama kum ruk ngawt a khawsak hnuah nikum khan Aston Villa zawmin, an ram leilung ngeiah footballer-te chawimawina sang tak a dawng zui ta a ni.
England rama hmei-chhe professional foot-baller intelkhawm pawlin award pui ber dawng thei tura an thlanchhuah dangte chu Chelsea pair Sam Kerr leh Guro Rei-ten, Arsenal midfielder Frida Maanum, Man-chester City forward Kha-dija Shaw leh Barcelona lama kal ta, Manchester United defender hlui Ona Batlle-te an ni.
Young player award dawngtu kum 21 mi James ve thung khan Chelsea tan season tha tak hmang zoin, Wo-men’s Super League champion tana game 15 a start-ah league goal nga thunin, kumin World Cup-ah pawh khan England tan a thawhhlawk a, goal thum khungin England top scorer a ni a, last 16 lama Nigeria an hneh tumin hnawhchhuah tawk bawk mah se a team chu final a luhpui a, final-ah Spain an ngam ta lo a nih kha.
Nominee dangte chu Manchester City’s Lauren Hemp, Manchester Uni-ted defender Maya Le Tissier, Liverpool mid-fielder Missy Bo Kearns leh Villa midfielder Laura Blindkilde bakah Brighton leh England forward Katie Robinson-te an ni.
James hi PFA team of the year-ah a tel lo thung.
PFA women’s player of the year Daly
