Mizoram sawrkar hnuaia pharmacist ho inzawmkhawmna, Mizoram Government Pharmacists’ Association chuan Zirtawpni khan Aizawlah general conference vawi 16-na an hmang.
Hmanpuitu Health & Family Welfare minister Lalrinpuii chuan pharmacist-te chu damlo enkawl kawngah an thawhhlawk a, mipui tan an tangkai tih a sawi. Hriselna huanga thiamna leh tih dan thar chhuak zel mila inherrem thiam turin a chah bawk.
Mipuiin damdawi chawhpawlh dik leh tha, an natna enkawlna tur dik tak zel an lei theihna atan tan lakpuiah pharmacists-te chu a sawm a. National Health Mission hnuaia sawrkar policy ngaihpawimawh tak zing ami, telemedicine-ah pawh hmalakna tha zawk an neih theihnan thawhpuiah a sawm a ni.
Mizoram sawrkar hnuaia thawktu indaihlohna leh department-a pharmacist indaihlohna ti ziaawm turin sawrkarin theihtawp chhuaha hma a lak thu minister hian a sawi bawk.
Conference ah hian an member mi 8 pension ta te ngaihhruina thilpek hlan a ni.
Pharmacist-te intawkkhawm
