PinkPantheress & Zara Larsson ‘Stateside’ a lar ber
PinkPantheress leh Zara Larsson zaidunna ‘Stateside’ chu kar khat chhunga khawvel huapa hla lar ber niin Billboard Global 200 chart-ah a No.1 a, he chart-ah an vawi khat No.1-na ve ve a ni. He hla hi American ice skater Alysa Liu-in Milano Cortina Winter Olympics-ah February ni 21 khan women’s figure skating champion ni a, gold medal a dawnna performance atan he hla hi a hmang a, USA-in kum 24 chhunga hmeichhe figure skating-a gold medal a dawn lehna hmasa ber a ni a, hei vang ian ‘Stateside’ hla pawhin a lar phah leh ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only stream (subscription leh ad-supported audio leh video music services) leh download sales te chu tehna pawimawh a ni.
PinkPantheress leh Zara Larsson “Stateside” hian kar khat chhungin ram hrang hrang 200 chuangah stream maktaduai 47.7 leh sales 2,000 nei lehin, chart-ah a vawi khat nan a No.1 ta a ni.
PinkPantheress hi 2021-a Adele ‘Easy on Me’ hnua he chart-a British hmeichhe zaithiam No.1 ni leh thei hmasa ber a ni a, Zara Larsson pawh hi Swedish recording artist zinga he chart-a No.1 ni thei hmasa ber a ni ve bawk.
PinkPantheress hian British singer dang Harry Styles chu No.1-ah a rawn thlak a, 2022-a Glass Animals ‘Heat Waves’ leh Harry Styles ‘As It Was’ he chart No.1-a a inthlak hnua he chart No.1 a British singer an inthlak lehna hmasa ber a ni bawk.
Chart No.1 hlui HUNTR/X “Golden” chuan stream maktaduai 40.1 leh sales 12,000 nei lehin No.8 atangin No.2 a kai thar leh a, he hla hian March ni 15-a Oscar-ah khan best original song a dawng a, a film KPop Demon Hunters pawhin best animated feature a dawng bawk a, hei bakah a hla hi award semnaah an perform a, hei hian a rawn tilar thar leh ta a ni.
Olivia Dean ‘Man I Need’ chu No.4 atangin No.3 a kai thar leh ta, kar kalta No.1, Harry Styles “American Girls” chu No.4-ah a tawlh a, chart No.1 hlui bawk Bruno Mars “Risk It All” chu No.3 atangin No.5-ah a tawlh ta bawk.
Dominic Fike ‘Babydoll’-in stream maktaduai 41.8 neiin, No.17 atangin No.7 a kai a, he chart top 10-a a lan vawi khatna a ni.
Billboard Global 200
Top 10:
1 Stateside – PinkPantheress With Zara Larsson
2 Golden – HUNTR/X: EJAE, Audrey Nuna & REI AMI
3 Man I Need – Olivia Dean
4 American Girls – Harry Styles
5 Risk It All – Bruno Mars
6 DTMF – Bad Bunny
7 Babydoll – Dominic Fike
8 Ordinary – Alex Warren
9 The Fate Of Ophelia – Taylor Swift
10 So Easy (To Fall In Love) – Olivia Dean