Faina leh thianghlimna kawnga Aizawl Municipal Corporation leh local council campaign kalzelah Aizawl mayor Lalrinenga Sailo chuan Inrinni khan Muanna Veng Local Council buatsaih, plastic bottle paih hnu0 leina hun a hmanpui a, faina kawnga hmalakna atan sumfai Rs. 10000 a pe.
Muanna Veng Local Council-in plastic bottle chhia a leikhawmnaah hian mi 60 chuang hnen atangin plastic bottle 18000 chuang lei a ni tawh a, Rs. 10000 chuang man a ni.
Aizawl mayor chuan, mihring leh ran ek rimchhia awmna veng chu, eng ang pawhin phiatfai mah se, veng faia ngaih theih a ni lo, tiin a sawi a. Naupang kalkhawmte chu bawlhhlawh a bawmah chauh paih thin turin a zirtir a. Muanna Veng hmalakna ropui a tih thu sawiin, tuna hma an lakna hi duhtawk mai loa, chhunzawm zel turin a fuih.
Plastic um leikhawm kalpui zel
