PM in a bial chhungah mit damdawi in hawng
Prime Minister Narendra Modi chuan Pathianni khan a bial chhung Varanasi-ah mit damdawi in a hawng. Kanchi Math-in a enkawl RJ Sankara Eye Hospital hian mit natna chi hrang hrang endikna leh enkawlna kimchang tak a pe dawn a ni.
Hospital hi Uttar Pradesh hmarchhak district 20-a mite bakah Bihar, Madhya Pradesh leh Chhattisgarh ramri biala chengte chuan an hlawkpui zual dawn niin Kanchi Math thuneitute chuan an sawi.
Hei hi Kanchi Math damdawi in 14-na niin, damdawi in chuan kum tin a thlawna mit zai ngai 30,000 chuang an neih thin thu an sawi bawk.
PM hi Governor Anandiben Patel leh Uttar Pradesh Chief Minister Yogi Adityanath ten an tawiawm a ni.
PM in a bial chhungah mit damdawi in hawng
