PM in Haryana tlawhin, PMBSY tlangzarh dawn
Haryana chief minister Nayab Singh Saini chuan prime minister Narendra Modi chuan December 9 ah Haryana a tlawh dawn tih a sawi a, an state chhungah Pradhan Mantri Bima Sakhi Yojana (PMBSY) a tlangzarh dawn tih a sawi bawk.
Thuthar thehdarhtute a kawmnaah Nayab Singh Saini chuan PM lokal tur atana an inbuatsaihna hrang hrangte sawiin, sorkar chuan a theihtawp a chhuah tur thu leh venhimna lam pawh kenkawh that a nih tur thu a sawi.
CM Saini chuan BJP membership campaign nei tura an worker zawng zengte nen inbiakna an neih thu sawiin, an target chu ni hnih khat hnuah hlenchhuah ngei an tum thu a sawi a, PM chu December 9-ah lokalin, chumi atan chuan hmeichhiate pawh mawhphurhna hrang hrang pek an nih thu a sawi.
Haryana chuan hmalam a pan zel dawn thu sawiin, a sorkar chuan central nena inthlunzawmna nghet tak an neih zual deuh deuh thu a sawi a, hmasawnna chu an tan a nih zel tur thu sawiin PMBSY pawh a chhawrtu an ni nghal thuai tur chu thil lawmawm tak a nih thu a sawi a ni.
Haryana chief minister chuan Congress chu hruaitu mumal nei lo, policy mumal nei lo tak an nih bawk avangin ram mipuiten an hnawl mek zel a ti bawk a, Maharashtra leh Haryana-ah pawh kan hmuh mek tawh thu a sawi. Tin, inthlana an chak loh apianga EVM an puh thin chu thil vanduaithlak tak a nih thu sawiin eptute a kap zui bawk.
PM in Haryana tlawhin, PMBSY tlangzarh dawn
