Nimin khan prime minister Narendra Modi chuan video conference kaltlangin Pune a metro rel tlantirna tur chu lung a phum.
PM hian Maharashtra-a hmasawnna hnathawh tur hrang hrang chu video conference hmang hian lung a phum tel bawk a, heng zawng zawng hi Rs 11,200 crore chuang senga sak tur a ni.
Hawnna huna a thusawinaah PM chuan, India chu tunlai mil leh tunlai thiamna hmanga a intuaithar ve mek thu a sawi a, khawvel hmasawnnate chu kan ta a ni thei ve vek tih kan hriatreng a tul, a ti.
PM hian Maharashtra state chu vannei a tih thu sawi bawkin, khawvel hmun dangte awh khawp hmasawnna hrang hrangin a luhchilh dawn avanga a lawmpui thu sawiin, tunlai thiamna leh changkanna chu India mipuite pawhin kan nei ve tih kan hriat a, kan rilru kan tihsan ve zel a tul thu a sawi bawk.
PM in Pune a Metro rel tlanna tur project lung phum
