PM in Statue of Unity-ah cheng vbc 284 senga sak tur project hawng
Prime Minister Narendra Modi chuan ni hnih chama Gujarat a tlawhnaah Statue of Unity tlawhin, khualzinte hipna tur project cheng vbc 284 chuang a hawng. Ni hnih a cham chhung hian Rashtriya Ekta Diwas lawmnaah a tel bawk.
Sardar Vallabhbhai Patel piancham puala October ni 31 a hman thin Rashtriya Ekta Diwas (National Unity Day) a tel hnuah Modi hian project thar engemawzat hawngin, heng zingah hian sub-district hospital pawh a tel, smart bus stop, 4 MW solar project leh ICU-on-wheel pahnih a awm bawk. PM hian cheng nuai 22 senga sak, khum 50 awmna sub-district hospital sak thar a hawng bawk a ni.
Hospital-ah hian trauma centre, gynecological operating theatre, minor operating theatre, CT scan facility, ICU, labor room, special leh physiotherapy ward, medical store leh ambulance a awm tih state sorkar thuchhuah chuan a tarlang.
Hei bakah hian Prime Minister chuan hmasawnna nghet leh nungcha chi hrang hrang humhalh tumna bonsai huan siamna tur lungphum a phum bawk.
PM in Statue of Unity-ah cheng vbc 284 senga sak tur project hawng
