Prime Minister Narendra Modi chuan March 6, 2024 khan India ram hmun hrang hranga metro project thahnem tak pholanna neiin chung zingah chuan Kolkata a underwater metro line pawh a tel.
Kolkata Metro East-West Corridor a Hawrah-Esplanade section a Rs 4,965 crore senga transportational tunnel tui hnuaia kal chu PM Modi chuan a hawng a, Howrah metro station chu India rama metro station thuk ber a ni bawk.
Hawnna a neih rualin PM Modi chuan Esplande atanga Howrah Maidan chu school naupang te nen metro ah chuangin an zawh zui a ni.
Tui hnuaia tunnel hi 520 metres a sei niin rel in paltlang nan second 45 vel a mamawh dawn niin officials te chuan an sawi.
Hei bakah hian PM Modi chuan Kavi Subhash-Hemanta Mukhopadhyay section, New Garia-Aiport line leh Taratala-Majerhat section, Joka-Esplanade line te hawnna neiin Kolkata Metro line hi India rama metro network upa ber a ni bawk.
Prime Minister chuan Duhai-Modinagar (North) section, Delhi-Meerut RRTS Corridor, Pune Metro’s Ruby Hall Clinic-Ramwadi stretch, Kochi Metro’s SN Junction to Tripunithura section leh Agra Metro’s Taj East Gate-Mankameshwar section te hawnna a nei bawk.
Hei bakah hian Pune Metro Pimpri Chinchwad leh Nigdi thlunzawm tur lungphum a phum bawk a. He section hian road traffic tawt lutuk nasa taka tithawlin connectivity a siamtha dawn tiin sorkar thuchhuah chuan a tarlang.
PM Modi-a’n project hrang hrang hawng
