Cabinet Committee on Economic Affairs (CCEA), Prime Minister Narendra Modi kaihhruai chuan central sector scheme thar – “PM Vishwakarma” a pawm fel a. He scheme hi PM Modi an Independence Day thuchah a sawiah a sawi lan tawh niin, craftmen leh an chhungte mi 30 lakhs vel te chhawmdawlna tur a ni, tiin Union Minister Ashwini Vaishnaw chuan a sawi.
He scheme hian kum 2028 thlengin kum nga chhunga hman tur sum Rs 13,000 crore a nei dawn a, a thawhkhatnaah traditional trade 18 a huam phawt ang, tiin Vaishnaw chuan a sawi bawk.
“PM Vaishwakarma scheme hmangin artisans leh craft people te hnenah PM Vishwakarma certificate pek an ni bawk ang a, hei bakah hian ID cards, credit supports Rs 1 lakh a thawhkhatnaah leh a thawh hnihnaah Rs 2 lakh te concessional interest rate 5% in pek an ni ang a. He scheme hmang hian skill upgradation, toolkit incentive, digital transaction leh marketing support te pek an ni ang” tiin Centre chuan a tarlang bawk.
PM Vishwakarma scheme hnuaiah hian a thawhkhatnaa tuam tur zingah carpenters, boat makers, blacksmith, locksmiths, potters, sculptors, cobblers leh masons te pawh a huam phawt dawn a ni.
Meeting neihnaah hian CCEA chuan “PM-eBus Sewa” ram chhunga e-bus 10,000 tlan tura siam a nih theih nan remtihna pek a ni bawk, tiin Union Minisetr Anurag Thakur chuan a sawi bawk.
“e-Bus 10,000 te hi khawpui 169 ah tlantir a ni ang a, Green urban Mobility initiatives hmangin khawpui 181 te chu tihchangtlun an ni bawk ang” tiin Thakur chuan a sawi bawk.
He scheme atan hian Rs 57,613 crore vel ngai tura ngaih niin heta tanga Rs 20,000 crore chu centrals sorkar tum tur a ni dawn a, scheme hian bus operation hi kum 10 chhung a tuamhlawm dawn a ni.
He scheme hmang hian hna 45,000 atanga 55,000 vel a siam tura ngaih a ni, tiin official thuchhuah chuan a tarlang bawk.
Scheme hmang hian bus enkawlah khawpuite chuan mawhphurhna an la thung dawn tiin a sawi bawk.
‘PM Vishwakarma’ scheme kalpui tur pawm fel
