PMEGP margin money
lapse leh thei dawn
Industry tenau din tumte tana sawrkar laipui ruahmanna, Prime Ministers Employment Generation Programme (PMEGP) hman tangkai tumten margin money atan allotment sum hi a lapse leh mai dawn avangin he scheme hi mi tam zawkin an hriat theihnan tan lak a ngai tih sawi a ni.
District Level Monitoring Committee on PMEGP Kolasib District chu an chairman, bawrhsap Robert C Lalhmangaiha hoin Thawhlehni khan an thukhawm a. Member secretary C Lalthangkima chuan kum kal meka PMEGP dinhmun sawiin, PMEGP dilna 54 dawn a ni tawh a; bank-ah thawn vek tawhin, tun thlengin project 26 sanction a ni tawh tih a sawi.
Kumin atana Kolasib district target an pek chu project 85 niin, margin money cheng nuai 94.35 a ni tih sawi a ni bawk.
PMEGP margin money chu central funding a nih avangin bank lamin target an phak loh chuan, margin money atana allotment sum hi a lapse leh mai dawn a. Chuvangin he scheme hi mi tam zawkin an hriat theihnan tan lak a ngai, tiin thutkhawmah hian sawi a ni. Tun dinhmunah PMEGP latute hian a tlangpuiin an loan lak an rul tha thawkhat nia an hriat thu bank aiawhten an sawi.
PMEGP margin money lapse leh thei dawn
