Police 1,037 hnenah award

Sorkar laipui chuan Nilaini khan Independence Day hma niin Central leh State forces a police personnel 1,037 te hnenah service medal pek tur a puang.
Union Home Ministry thuchhuah chuan 214 chu bravery medal pek tur niin chung zingah chuan President’s Medal for Gallantry (PMG) leh 231 Medal for Gallantry (GM) te telin GM dawng tur zingah hian fire fighter pali leh civil defence personnel pakhat an tel.
Central Reserve Police Force (CRPF) mi 52 in bravery medal dawng dawnin an dawng tam ber a, Jammu and Kashmir Police mi 31, Uttar Pradesh leh Maharashtra police personnel 17 ve ve, Chhattisgarh a\angin 15 leh Madhya Pradesh a\ang pawhin dawng tur an awm nual bawk.
Police medal-a a sang ber PMG medal chu Telangana Police Head Constable Chaduvu Yadaiah hnenah July 25, 2022 a arms traffickers tawrawt pahnih te a manna kawnga huaisenna turu tak a lantir avangin pek a ni dawn a ni.
Heng misual pahnih te hian Yadaiah chu a taksa hmun hrang hrangah nasa taka an vit chungin a manna a thlah duh chuang lo va. Hliam na tak tuarin ni 17 lai damdawi inah a awm zui phah tiin home ministry thuchhuah chuan a tarlang.
Heng bakah hian President’s Police Medal for Distinguished Service mi 94 hnenah pek a ni dawn a, Medal for Meritorious Service mi 729 hnenah pek a ni dawn bawk a. Heng medal-te hi kum khatah \um hnih hlan \hin niin Republic Day-ah nen pekchhuah \hin a ni.
PPMG leh PMG award hi nunna leh property humhim nan leh misual manna kawng leh thiltihsual tur danna lama huaisenna tawpkhawk lantirtute hnena pek \hin a ni.
President’s Police Medal for Distinguished Service hi chu police service-a record nei \ha te hnena pek \hin a ni a, Police Medal for Meritorious Service hi chu service \ha leh duty hlen \ha te hnena pek \hin a ni.