Mizoram Police chuan ‘beat system’ an hmang tan a, Hnahthial district chu a hmang hmasa pawl a ni.
Police leh mipui thawhhona tha chu dan bawhchhiatna hmehmihna atan thil pawimawh ber pakhat a nih angin, hemi atana pawimawh ‘Police Beat System’ chu Mizoram Police-in an hmang mek a, tunkar chhung khan Hnahthial North leh South-a beat officer-te chuan khawtlang hruaitute, tlawmngai pawl leh khawtlang mi pawimawhte kawmin, beat system inhrilhfiah a ni a, tualchhung mite chu beat officer-te thawhpui turin an sawm.
Hnahthial district bakah hian district dangah pawh beat system thar hi hman chhoh mek a ni.
Beat system hi dan kenkawhna kawnga tihdan tha leh hman lar tak pakhat a ni a. Police officer-ten mahni hmun chhinchhiah bik (beat) neia ngawrh taka patrol an kal thin sawina a ni. Chu chuan mipui nena inkawmngeihna a thlenin, tualchhung mipui leh police-te inlaichinna tha a siam a, tualchhung boruak leh harsatna thuk taka inhriatthiampuina a pawchhuak thin. Police officer-te mipui ban phaka an awm reng avangin a tul hunah rang takin police an inrawlh thuai thei a, misual tan chetna hun a tlem bakah chet a harsa thin. Beat system hian dan bawhchhiatna a titlemin sualna a titawmim a, mipuiah thlamuanna a thlen thin, tia sawi a ni.
Police Beat System hmang tan
