Mizoram Police chuan hnathawhna atana hman tur electric scooter 15 an nei thar . Aizawl leh district thenkhata police station-ah sem darh a ni.
Director general of Police Mizoram Sharad Agarwal chuan Police Modernization hnuai atanga lei Ather company siam electric scooter 15 hi Thawhtanni khan Police Headquarters atangin a vailiam a. Electric scooter hi hmeichhiate himna atan leh khawtlang ralmuan zawkna atana hman tura lei a ni, tiin, a dawngtuten patrolling-na atan leh khawtlang ralmuanna atan tangkai taka hmang turin a chah.
Scooter hi Aizawl Police Station-ah 2, All Women Police Station – 1, Bawngkawn Police Station – 2, Vaivakawn Police Station – 2, Kulikawn Police Station – 2, Zonuam Outpost – 1
Aizawl City Traffic Police – 3, Lunglei Police Station – 1 leh Champhai Police Station – 1 ah hlan a ni.
Police-in electric scooter 15 nei thar
