Aizawl district-a MLA inthlanpuia polling station hrang hranga duty turte chu vawiin – November 6 hian an duty-na tur hmun panin an chhuak dawn a, an chhuahna tura hmun thlan sa hoa chetvelna a awlsam zawk nan lirthei hun leh tlan theih dan chu senior SP Traffic chuan mipui hriat turin a tichhuak.
November 6 – Thawhtanni nilengin heng hmun leh bulhnaiah hian inthlan kaihhnawih duty ami tur ni lo lirthei dang dah phal a ni lo: Tlangnuam field, Saikhamakawn atanga Tlangnuam field panna kawng, Hridaikawn atanga Tlangnuam field panna kawng. College Veng field, PUC Campus, PUC gate atanga MI Store inkar, PUC gate atanga College Veng Taxi Stand, College Veng Taxi Stand atanga Bethlehem Veng Taxi Stand inkar.
Chaltlang Dawrkawn, Chaltlang Dawrkawn atanga Chaltlang field inkar, Chaltlang field atanga Tourist Lodge inkar; Brigade Field Greenwood Hospital peng atanga Brigade field inkar.
Inthlan ni – November 7 (Thawhlehni) ah tlai dar 4.00 thlengin hengah te hian inthlan kaihhnawih lirtheite ni lo dah phal a ni lo: Treasury Square -Assembly House Annex, Tennis Court kawngpui dungah, Planning & Programme Implementation Dept. office kawt, CS Bungalow chung kawngpui dung.
Aizawl DC office atanga main road inkar, AOC Petrol Pump bul, Congress Bhavan bul chhukthla, Post office kawt, Vanapa Hall kawt, Transport office kawt, SBI Main Branch kawt, Mahatma Gandhi lim awmna thin ep (opposite)
Govt. Aizawl College Sikulpuikawn atanga New Street leh Mission Veng Presbyterian biak in inkar, Sikulpuikawn atanga Khatla Peter Street inkar, Sikulpuikawn atanga Upper Khatla inkar, Sikulpuikawn atanga Tuikhuahtlang inkar.
November 7 hian polling party-te an haw khawm dawn avangin, zan dar 6.00 atanga zan dar 12.00 inkarah Zodin Square leh Raj Bhavan North gate chu ‘one way’ a ni anga, hmarlam atangin chhimlam pan chauhin a kal theih ang. Chhimlam atangin hmarlam pan turte chu Raj Bhavan North Gate bul atangin Tennis Court /Temple Square kaltlangin an kal thei ang.
Polling party-te chhuahna bulah lirthei hun phal loh
