Postal hotu in larsap hmu

North East Postal Circle chief postmaster general Mariamma Thomas chuan Ningani khan Raj Bhavan-ah larsap Dr Hari Babu Kambhampati a hmu.
Postal hotu hian larsap hnenah state chhunga postal service tihchangtlunna atana hmalakna hrang hrang awm a sawifiah a. An hmalakna kawng thenkhatah a thlawpna a dil nghal a ni.
Larsap chuan state mipui tana rawngbawlna pawimawh thawktu, a bikin thingtlanga cheng tana tangkai tak, Postal department chungah lawmthu a sawi a. Tuna Speed Post-a service chu ennawn a, siamthat ngai nia a hriat thu a sawi. He service hi tih hmasawn dan dap turin Postal department hotute chu a chah.
Postal facilities kaltlanga mipuiin an chhawr theih tura centrally sponsored scheme hrang hrang awm chu beneficiary-ten an lo hriat theih nan nasa zawka inhrilhriatna kalpui turin a fuih a. Thingtlang lama postal banking service la awm lohna hmun tlemte Mizoramah a la awm tih sawiin, hengah hian postal banking kalpui thuai a ngai tih a sawi a ni.