Praise On 2024 Top 10 a hriat ta
Synfo leh Central K|P tangkawpin an buatsaih, Branch hrang hranga K|P member te tana malzaia intihsiakna ‘Praise On 2024’ pawh a hmawr an bawk ve leh tan ta a, Zirtawpni zan khan Top 30 intihsiak zoin, Top 10 a tling te an puang nghal a, Top 10 finalist-te hi November ni 7-8 ah an intihsiak leh dawn a ni.
Top 10 intihsiak hi Drawpui Presbyterian Kohhran Centenary Hall-ah neih a ni dawn a, live music hmangin intihsiak a ni ang a, November ni 7 zanah Mizo lengkhawm hla, malzaia sak chi hmanga intihsiakin, hemi zana hian Mizo thuam nena inlan tura beisei an ni a, a zan hnihna, November ni 8 zanah anmahni hla duh zawng theuh hmangin an intihsiak leh dawn a ni.
Praise On hi a vawi khat nan 2016 kan buatsaih a ni a, 2022-ah nei lehin, kuminah a vawi thum nan an ti leh ta a ni. He intihsiakna hi TV lamah Hruaina Eng channel-ah a en theih a, Synfo YouTube channel-ah live-a tihchhuah thin a ni bawk.
Praise On-ah ian Pakhatnain lawmman Rs 1,20,000 a dawng ang a, Pahnihna-in Rs 70,000 leh Pathumnain Rs 50,000 dawngin, Top 5 a lang, top three thleng ta lo ten Rs 15,000 an dawng ang a, Top 10-a lang, top 5 thleng lo ten Rs 10,000 theuh an dawng bawk ang.
Praise On Top 10 te chu:
1. C. Lalthanmawii D/o C. Lalawmpuia, Luangmual West Branch
2. Lalruatsangi D/o Lalhlimpuia, Sihphir Branch
3. Lalthlanawma S/o Upa Lalthakima, Ramhlun Branch
4. Maria Lalmuanpuii D/o C. Lalengliana (L), Chhiahtlang Bazar Veng Branch
5. P. Vanlalhriatpuia S/o P. Vanlalngheta, Chaltlang South Branch
6. Ramdingliani D/o Lalmuankima, Bethlehem Branch
7. Sailokima S/o Saizama, Kulikawn Branch
8. Saizampuii D/o C. Lalrothangi, Tuikual North Branch
9. Samuel Lalmuanchhana D/o Z. Lalthanzuala, Armed Veng Branch
10. Zaithanmawii D/o S. Chhungmuankima, Kolasib Vengthar Branch