Primary atanga Hindi zir tan theihna larsap puihna ngen
Government primary school atanga Hindi zirna kalpui a nih theihnan Mizoram larsap Gen. Vijay Kumar Singh (Retd) chu hma lakpui tura ngen a ni.
Mizoram Hindi Prachar Sabha (Mizoram Hindi Board ) hruaitute chuan an chairman RB Lalmalsawma hoin Thawhlehni khan larsap hi Lok Bhavan-ah an hmu a. Mizoram-a Hindi tawng tihmasawn dan tur an sawipui. Sawrkar laipui leh company hrang hrang atanga fund tam zawk pawh luh dan tur leh Mizoram khua leh veng hrang hranga Hindi tawnga khua/ veng ziah diklo tam tak awm ngaihpawimawha siam dik thuai zel a tul thu leh, Hindi tawng zir chu practical tam thei anga kalpui dan tur sawi a ni.
Sawrkar school-ah primary atanga Hindi tawng zir a nih theihnan larsap chu hma la turin MHPS hruaitute hian an ngen a ni.
Primary atanga Hindi zir tan theihna larsap puihna ngen
