Inspector General of Prisons R Lalremsanga chuan Mamit District Jail a tlawh a, jail tangten an harsatna leh mamawh an lo thlente a sawipui a. Jail-a thawktute kawmin inenkawlna leh hmunhma a felfai a tih thu a sawi.
Jail enkawl hna chu hna hautak tak, vantlangin misuala an ngaih, vantlang himna kengtel a nih bawk avangin missionary rilru pua thawh a ngai tih a sawi a. Jail chu inhremna ngawr ngawr niloin, insiamthatna hawi zawnga kal a tul tawh, tiin, open jail (jail tangten an tan chhung thoa jail pawna hna hrang hrang thawka jail-a tlaia kir leh) anga kal ve te a tul thu a sawi bawk.
Female ward pakhat luah theih loha awm mek chu luah theiha buatsaih a tum thute, staff indaihlohna a theih ang anga hma lakpui a tum thu te a sawi a. Jail tangte pawh fel taka awm tur leh tlanchhuah lam ngaihtuah lo turin a fuih.
Jail staff-te chu jail security ngaipawimawh turte, thawhhona tha tak nei zel tur leh tang damlo damdawi ina refer-te ngun taka veng thin turin a chah a ni.
Prison hotu-in jail tlawh
