Zirlaiten nun kawng dik leh tha an zawh theih nana zirtirtu tuaihriam kawnga hmalaknaah, kar kalta khan Aizawl district-a private school 25-a zirtirtu aiawhte chu hriat tur tul inhrilh a ni.
SCERT, MSACS, School Education department leh DAPCC Aizawl District thawhhonaa buatsaih ‘Training Teachers on School Health Program for Implementation of Adolescents Education Program at Private School in Mizoram’ ah hian training thawhkhatnaah Aizawl district-a private school 25 atangin ziritrtu pahnih theuh an tel.
Training buatsaih a nih chhan chu – zirlaiten nun dan tha leh hrisel an neih theih nana zirtirtu in a puih theih nan leh kawng dik a kawhhmuh theih nana zirtirtute buatsaih; naupangin an kum mila an mamawh taksa leh rilru hrisel an neih theihna atana ziritrna tha leh himdam an dawn theih nana zirtirtute tuaihriam; naupang than chhohna kawnga harsatna awm theite hmachhawn tura nun dan thiamna (life skills) an neih theih nana zirtirna petu tur zirtirtute thiamna tihpun’ anmahni leh khawtlang hmasawnna atana thawk chhuak tura naupang chawhphur kawnga zirtirtute buatsaih leh, an nunkawng tichhe thei – ruihhlo hmansual leh mipat hmeichiatna hmansual laka naupang an him theih nan, natna tha lo HIV/AIDS leh natna hlauhawm dangte laka naupang an him theih nan ziritrtu in zirtirna tha a pek theih nana buatsaih te a ni.
Training-ah hian SCERT joint director Dr Lalduhawmi Thomte leh District AIDS Control officer Dr R Lalnienga ten thu an sawi a. Project coordinator Laldampuii, chuan training kalphung leh nihna a sawifiah bawk.
Private school zirtirtute tuaihriamna tur duang
