Priyanka-i’n na takin BJP sorkar bei
Wayanad bial atanga MP thlan tlin thar Congress MP Priyanka Gandhi Vadra chuan pathianni khan BJP kaihhruai central chu na taka beiin, mipuite dikna chanvo tichhetu leh hmasawnna dodaltu an nih thu a sawi a, an sumdawng thian tlemte chungah hmasawnna hnathawh tur an hlan niin a sawi.
Thlatlin a nih hnua a bial mipuite hnena lawmthu sawina a neihah Priyanka chuan India tan, kan hnam leh sakhaw tan kan bei chho zel dawn, a ti a. Kan ram dinhmun leh khawsakzia tihchhiat tumtute chu theihtawp chhuaha a do zel tur thu a sawi bawk.
Wayanad mipuite chu a tlanchhiatsan ngai dawn loh thu sawiin, an mamawh ang ang chu a tihsak zel dawn thu a sawi a, an bulah a awm reng tur thu a tiam bawk a ni.
Ni hnih chhunga Wayanad tlawhtu Priyanka hi a unaupa nen inrinni khan hmun hrang hranga vantlang inkhawmah an tel a, heng an thusawina hmunte hi Wayanad bial huamchhunga awm vek an ni.
Priyanka hi Wayanad Lok Sabha by-election neih zawh takah khan vote 4,10,931 in hnehna a chang a, hei hi a unaupa Rahul-a hnehna lo chan tawhna ai pawhin a sang zawk.
Priyanka-i’n na takin BJP sorkar bei
