Kum 2022 best boxer Laldinsanga’n hming a pelut tawh a; vawinga champion tawh NT Lalbiakkim-a’n Tata SK 612 LPS Pro Fight fly-weight champion nih a tum.
Vawiin, September ni 20, Ninilaini thlengin LPS Office, Zarkawtah tel tum tan application form thehluh hun hawn a ni a, Thawh?anni tlai thleng khan boxer 355-in hming an pe tawh.
Nikumah weight hrang pangaah boxer 211 an chuak a; kum-inah weight hrang panga tho ni mah se fly (kg 48-52), bantam (kg 52-56), light (kg 56-61) leh welter (kg 61-67), bakah feather tel zui loin middle (kg 67-74) telh thar leh a ni ve thung.
Fly champion lai Ramthar Lunglei boxer Dinsanga’n bantam-ah insawn a tum a, bantam champion lai Lalrin-ngheta (Tuipui) chuan light title chuh turin weight rit zawkah a khel ang.
Light title humhim tumin Khuangthing fighter Vanlalawmpuia a inbuatsaih ngawrh a; Chawngtlai boxer C Lalhruaitluanga’n welter-ah champion nawn theih a inringtawk hle bawk.
Nikumah Siaha chhuanvawr Biakkima a awl a, Pro Fight-a vawiruk champion hmasa ber ni turin a kirleh dawn.
Kum 2015 bantam champion HC Lalram-fela’n nikum light title fight-ah Awpa a hneh lo na a, kuminah dang-lamna thlentir turin a hming a pelut tawh.
September ni 26, karleh Thawhlehni zing dar 8 atangin tel tumte LPS Huan, Falkland Vengah an inbuk dawn a, tel tum zingah Ma-nipur atanga Mizo-rama raltlan bakah Silchar atanga hming pelut an awm tawh.
Pro Fight tel tum tan vawiin hming pekluh tawp ni
